Frukost ved fjorden

1. oktober 2025 09:00 - 11:00

Adresse: Åkrafjordvegen 1105, 5596 Markhus

Halvor Folgerø kjem 1.okt til "Frukost ved fjorden" og fortel om og frå boka "Ferjefolket".

Vestlandet kan oppsummerast i 3 f`ar. Fjell, fjordar og ferjer. Ingen transportmiddel er meir elska og hata enn ferjene. Ein viktig del av den vestnorske folkesjela, enten me likar dei eller ikkje. Sakte men sikkert vert dei erstatta av bruer og tunnelar.

I boka si har Halvor Folgerø møtt ferjefolk frå Smøla i nord til Stavanger i sør, og samla historiar om livet på og med ferjene. Om kvardagsliv, komikk, romantikk og dramatikk. Om storm og stille, fest og fødslar, kjærleik og kø. Boka har fått svært god mottaking.

I føredraget på Åkrafjordtunet 1.okt får du høyre dei beste historiane og sjå dei finaste bileta etter ein god frukost. Halvor Folgerø er forfattar, musikar, journalist og programleiar. Han har tidlegare delteke på "Frukost ved fjorden" med føredrag om boka "Vestlandsvegar".

Etter føredraget vert det høve til å kjøpe signerte bøker.

Du er velkommen!